test

Testing

பரிசோதனைப் பதிவு

இது ஒரு பரிசோதனைப் பதிவு

உள்ளாட்சித் தேர்தல் - சென்னை வன்முறை

நேற்று (13/10/2006) நடந்த வன்முறை 2001ல் நடந்ததற்கு தி.மு.க. வின் பதிலடி. கருணாநிதிக்கும், போலீசிற்கும் இதுபோன்று நடக்கும் என்பது முன்கூட்டியே தெரிந்திருக்கக்கூடிய சாத்தியகூறுகள் அதிகம். ஆயினும் இதைத் தடுக்க விழையாதது, கருணாநிதியும் ஜெயலலிதா பாணி அரசியலை பின்பற்றுகிறாரோ என தோன்றுகிறது (கருணாநிதி ஒன்றும் காந்தியல்ல என்றாலும்).

என்னுடய அலுவலகம், அதிமுக தலமையகம் அருகில் இருப்பதால் அப்பகுதியை ஒரு சுற்று சுற்றிவந்தேன். நிறைய ரவுடிகள் அதிமுக அலுவலகத்தில் இருக்கக்கண்டேன். மேலும் பலர், பெரும்பாலும் பெண்கள் கும்பல் கும்பலாக, தங்களை போலீசார் ஓட்டுப்போடவிடாமல் தடுத்துவிட்டதாக அங்கங்கே மறியலில் ஈடுபட்டுக்கொண்டிருந்தனர். எல்லாம் கள்ள ஓட்டுப்போட வந்த ஆட்கள் மாதிரித் தான் இருந்தனர். என்னுடய காமிராவை எடுத்துபோயிருந்தால் எல்லாவற்றையும் படமெடுத்திருந்திருக்கலாம். இதைச் சொல்வது அதிமுகவினர் கள்ள ஓட்டு போட்டனர் என்பதற்காக அல்ல. மாறாக இருதரப்பினரும் கள்ளவோட்டு போட்டனர். ஆட்சியதிகாரம் திமுவின் கையிலிருந்ததால் பெரும்பாலும் அதிமுகவினர் அடிவாங்கினர். 2001ல் திமுகவினர் அடிவாங்கியதைபோன்றே.

சென்னையில் மட்டும் அதிகளவில் கலவரம் நடந்ததற்கு இரண்டு காரணங்கள். ஒன்று, சட்டமன்றத்தேர்தலில் இழந்த சென்னையக் கைப்பற்றவேண்டும் என்ற ஆளுங்கட்சியினரின் வெறி. இரண்டாவது, சென்னையில் அரசியல் ரவுடிகளின் அட்டகாசம் அதிகமாகிக்கொண்டே வருகிறது. அதிக ரவுடிகள் அ.இ.அ.தி.மு.கவிலேயே இருப்பதாக அறிகிறேன். ஆதிராஜாராம், பாலகங்கா, சேகர்பாபு, கலைராஜன், வளர்மதி, வெற்றிவேல் மற்றும் மதுசூதனன். அதுபோன்றே, திமுகவில் புரசை ரங்கநாதன் (ஒரு காலத்தில் ப. சிதம்பரத்தின் வலது கை), காங்கிரசில் கராத்தே தியாகராஜன், ராயபுரம் மனோ என எல்லா பெரியகட்சிகளிலும் ரவுடிகள் அதிகம் உள்ளனர்.

குறிப்பு: இது குழலி அவர்களின் பதிவில் நான் இட்ட பின்னூட்டம்

வணக்கம்

இது ஒரு தற்காலிக வலைப்பதிவு. காரணம், எனது முதன்மையான வலைப்பதிவு தமிழ்மணத்தில் தெரிவதில் சில சிக்கல்கள் உள்ளன. பல நாட்கள் முயன்றும் என்னால் முடியவில்லை. நான் சற்று அவசரப்பட்டு பிளாக்கர் பீட்டாவிற்கு மாறிவிட்டேன். அதனால் அவசரமாக இப்பதிவை புதிதாக ஆரம்பிக்கிறேன். முதன்மை வலைப்பதிவு தமிழ்மணத்தில் தெரியவந்தவுடன், இப்புதிய பதிவை மூடிவிடலாமென உள்ளேன். வாசகர்கள் (ரொம்ப பீத்திக்கிறேன், இல்ல!) தொடர்ந்து ஆதரவளிக்கவேண்டுகிறேன்.